Saturday 26 January 2013

"NINGAMDRABA PUNSHI"


Amamba numidangwaiduda
Choktharaba hakchangbu
Lumlaba air bagna
Amuksu chingtha
Swar chaning chamang shamnada
Tung illi
Lamjingliba ojagi.

Kadaidano kanagidano khangde,
Karigino asuk wariba?
Adungeigi Koubru khongchat
Ningshinglak-i.

Chinglon mapal lanthorakle
Thajada thajada chatli punshina
Ngasina kari hayengna kari
Thoklakpana paokhum piri.

Fanek hongdokse
Menglaba khonjelni
Yarani eikhoigisu yaori
Seba fabi
Mou machadugi sebada
Awaba kaukhi
Ifi hongdoknaduna
Chakhumgi thabak pangsilli.

Inamma kougadra?
Iche oina kou
Swaisi kari kouge?
Ningthembam
Mambanina udre
Ichehoidi kwa yubi houdra?
Yubidi thade
Kwadi ching akoibasi
Shambal khabagum houri
Eikhoina leirisi chingthaklo?
Ichedu noklak-i
Oh! eisu khalline.

Thawai yaona langlamba
Mathel lukkoi thangdokminna
Ikoi koina chaminnakhi
Kayada haokhraba!

Chakcha tokla matungni
Wana lakpani
Tumnakhre mahei mahei.

Nangdi ayibini
Sheireng amatta ibirammu
Waridi ei haige.
Feine ithokla loire
Fajaba fajadabadudi khangde.
Nakalgi famungda
Khongji makhol tari
Angang tumli khangi
Ichegi nupadi.
Thabak chatkhi
Kari thabak toubage?
Leibak ningli
Khalli sifai oirijatla?
Kari lamda tage?
Houjikti Moreh lei haibra?
Paokhumna wahang pokhalli
Peishadi tharaktra?
Nokta noklak-i.
Nokningba
Yumsi …
Ipamni
Khainarabra?
Einadi khainare khallabani
Angang louni kihalli
Karigi khairibano?
Ikaida lithokpa
Libiyuba ibiyudi hairaga?
Masigi maramdadi natte
Atoppani
Fare waridu haibiro
Aduburo
Nupa amaga nupi amaga nungshinaba
Thungnabadi khak thungnaroidaba
Nungdi pangnungda nungshiba
Kanagi warino?
Meenini
Mamingdi ningamdraba punshi thollu.

Experience amani khan
Boy kalam louthok-i,
Tumin tumin nokmi nokmi
Yenglakkhinuko ikaijei
Yengloida.

‘Ningamdraba Punshi’

Eetinfam pullaroidaba
Eechelni nang eigi
Eeraokholdi tanari.

Torbansi kaya wangliba?
Kallaba eereina
Leishinduna eeronnungda
Eefutki lambi thiri.

Adubu
Tamkhri asummak ichelsidi
Tamkhri.

Kamdoui iche
Pamdrabadi ama amuk ige?
Eh! Yare yam fajakhre
Ado sheirengbudi ire
Waridi loidri
Makhak naijanuko iche
Mangda shamuna tanjani.

Makhoidadi haidokkanuko
Hairoiba
Eigi nupado manungi meeni
Oh!
Bhap khangta tai
Hannadagira konnara?
Hannadagi yaoramle
Yum panbadagi toklure
Eina amuk yaohankhre
Anandamathki Shantiga
Famminnariboy ninglak-i.

Karigi yaohankhribano?
Aduburo…
Mahak mashak fajei
Mameettu nupina ngaoba meettani
Angang atonbisi hayeng yengu
Pura mapani.
Karinone?
Chindi thokludre.

Mameet khara ngaoi
Yumda leringei macha leiraba mana
Harao kumhei amatta chitthade
Atonbisi meining kumlingei
Nongma numidang ama
Yaoshang thabal chongluraga
Chak thonglamde fubasi
Ngaosinnaba fagadra khan
Makhoigi achoubasingda
Haijaraga yaohankhibani.
Houjikti farabra?
Kadaidagi fakhraba eesheibu…

Makhadi
Makha haibabu
Ei shathina ngamludre
Shiba machet hinglakpani
Imahoina layengbikhi
Laak-khottra?
Laklammi marak marak
Kuire lakkhidaba
Tha manga taruk hairakle
Moreda takhibadagi einasu lakhanningdre.
Karigi?
Morenidana ei hingningli
Divorce toubadi?
Mana yade
Angang louni kihalli
Houjiksu marakta phon tourak-i
Eina lak-handanaba hotnei.

Ningsha shangna hondokkhi
Tumningba faodre
Awaba film yenggum
Akiba lila tabagum
Famli tumin.
Pumchik chik-i
Faklang gharina amuktang yeikhi.

Sheirenggi waridudi?
Wari ama honglak-i
Mahakna eibu yamna nungshibi
Eigi awaba pumba ubi
Einasu liege khande
Manasu louge haide
Pakhangla?
 Natte nupi angang lei
Ningsha swar amasu hondoklui
Lila loishillak-i
Asini eigi wari
Poloigi wadi kanana khangluni
Tumnarasi
Lamshang lakpagi waramlani.

Meet uishinnaba laknei
Hayengdi yumsi thadoklamlani
Keidoungei amuk lakpa
Haiba ngamde tamba ngamde
Puduna chatlani
Ahang khudamsidi.
........................................






Friday 25 January 2013

"MONA BHAI"


Ngasidi nang thouburenni
Chaoraba Hindustansigi.
Adubu faori thamoisidadi
Adungeigi Mona bhaidugum.

Ningsinglibra nangi Gaha?
Yengu photosingsi
‘Katajrajgi laishang!’

Laishangsida
Laikhurumba chatminnakhiba numitshingdu
Ngarangtagumli.
Mandirgi thongalda
Dharamagi wanglaba pal marumda
Ngaikhi eina nangbu
Masajidki thongalda
Ngaikhibagum nangna
Nangi Ali bhaibu.

Ngaklabra Mona?
Eidi ngaktre
Chahi humfugi mamangda
Faal amattada famminnaduna
Yekminnakhiba shaktam
Kuire urakpa.

Najir,Abdul,Rashid
Kaorabra nangbu
Adungeigi marupshing?
Hoine,
Karamna kaogani
Eikhoibu kaorabadi
Nangi nawa punshi
Leiron chankhredana.

Kaya chaothokchakhiba eikhoina
Nangna chaorakpada.

Se lousilluse
Aare bhai chingnaganu
Bom natte leibakni
Maheiloishangdugi leimaidagi lourakpani.

Mona,
Masimasu paisillu
Certificatesingduni
Chahi kayasi thamlakkhibani
Nangmakni khanna
Khangi kannadaba chejetni
Adubu iriba mayeksingsidi
Punshi tangkak amagi itihasni.

Karigi pirangno marup?
Matamgi thouri lisangna
Ngakta thuduna
Mongfam maikei tamlakpa
Panthung masu naklakle.

Ahouba tangkakta punshigi
Shakkhangkhiba nangbu
Aroiba tangkaksida
Nouna amuk sha-unajaba
Tatkhidabagum faori
Thadatkhidabagum ningli
Nangi eigi marupki ichelsi.

Aduga liklisida yaoribasi
 Thamoi mahini
Hoo natteko Mona
Thal u masibu khoubom thanna.

Yengu bhai,
Wangna khariba shak-udaba palsi
Palsigi marumda
Nongmei chidonna leishat tamli
Asom wangmadana eikhoi
Som wangmadana nang
Karamba matamda
Lei asi kenkhigadaba?
Kanagi khutshana hekkhigadaba?

Mona,
Nangdi ningthounido
Lei asi amuktadi
Hekpa ngambra yengu.
Hindu muslim bhai bhai
Bapujina tambiramba mantra
Mayai happa ngambra
Laibak yengu Mona.

Fare marup
Eisu amuk hankhrage
Nang eigi poknafamduda.
Liruge, tammuge
‘Eikhoigi Monana
Magi poknafam,
Magi marupsingbu nungshibamaktana
Meetluda pirang eehouhoui.’

Khuda hafish.

Monday 21 January 2013

"IMI URUBADA"


Gulmohargi angangba mapalna
Jum jum shatli
Yenningthagi yenninglakta.

Masha mareng fallaba
Meetfam thallaba leirang leipalse
Eina kallakchei
Mahousha lairembina malemgi kumheida
Khoidana yenglibagum
Faori eigi thamoida.

Angangbaga ashangbaga
Kayada chushinnariba.

Choijainana kenduna tariba
Gulmohar mapalsisu mafajei
Adubu
Loiba naiba punshigi mingshelgum
Malemgi matambakta
 Taduna leibasi ubada
Yengduna shannaruri
Eina eigi punshibusu.
...................................


"CHAKTHUNG"




Azam,
Wrouranu marup

Paan-gi nungshibabu

Nafamda katpa ngamdrabasu

Nangisu khakli

Thamoida mafam amadi

Eibu ningjabagi

Toubimal khangba uttuna.

Puri meichak machet amadi

Minungshi chaubi thamoisina

Nakhut hangna hankhraba

Bikhyari nangidamak.
.......................................


"CHAMAMNABA"


Bharagi kadagi
Eina hostelda honglaklamdai
Hairakkhi eigi room matena
‘Nangi lairiktu check tousi
Lairik henjinbra yengminnasi’
Mengna tharakpa khonfamni
Thamoida shet pallabasu
Kari touda shaduna
Yenghankhi harao harao
Louthokktuna amammam.

Chahi manga houkhre
Hostelgi kasida
Ningshing wari amamam thanamlaga
Nambo yomduna hankhiba
Shukhre iche, ita,inao
Makhoi mangabu.

Makhoina kasibu bidai piramdai
Potyom yomba khuding
Ningshinglak-i hek hek
Adungeigi itadugi waheishingdu.
Adubu shoidunafao amukta kangthoklude
Karigumba ,
Waheishingdumak eina hairuraba
Makhoina kari khumlakkani
Eigi thamoisi kayada shonkhraba
Thokkhidraba thoudoktuda thokkhibagum
Maisi thamfam khangjadri.

Eisibu sholliibra,faribra,panglibra?
Chamamnaba wahangsigi paukhum
Karigumba thengnaba thoklaba itadu
Taningi magi mafamdagi.
.........................................................



Sunday 20 January 2013

"EIGI NAWA PUNSHIDA"


Nungshithoirabi 'bemma
Eigi palemgi shiyomnungdagi
Khongdarakkhibagum nangna nongma
Khongdarakkhoko
Eigi shiyomnungdagi.

Tamthiba meechei,tamthiba cheifu
Tahan fanghandana
Nungshibatana yomduna yokchage
Imom oina nangbu
Anouba mapok amada.

Peiduna leire yengu
Nangna khoidajaba lairikshingna
Upuda,tableda,rackta
Pamja pamjaba paro lau
Khangning hangningba hanglo lau.

Karigino nangna
Tufak tufai ichan chan
Eigi thanung lamdamda
Nongthi nong
mangba matamshingda
Hek hek mathi fong
Hik hik kaptuna famlariba?

Nangna adumna kaplaraga
Thamoisibu laiman houhalli.
Adugi sharuk eigi ‘bemma
Imom oina shayollaklaga
Naning thungna thakchaduna
Palem namagi nungshiba
Muthatcharo laone
Chakliba meireedu
Warou pukloubagi.
..................................



TOLHOURABA LAMAN "


Arangbi,
Ningshing eepakta eeruptuna leikhrabi
Ngasi kuirabagi tungsida
Fung faogalakli
Eigi thamoi eefuttagi.

Takthok chamthokli
Mashen maranglaba shaktamdubu
Meetlu laijana.

Nangi tellaba punshina
Ifamda touramba dan
Eigi ngasigi punshina
Tolhouriba laman
Oihanbiyu kokchaba ngamba
Marik amatang lijabasina
Nangi waree.

Nang waroukhibra
Nattraga chauthokkhibra?
Ishagida yengbada
Nangi ee matumshingbu
Mantiknaba ngamkhiba
Eibu toukhibra shap?

Arangbi,
Ei khangi
Nang khak waroukhide
Aduga
Touramde shapsu.

Mamangi karamba mapokta
Kari laman tonkhiduna
Handak mapokta
Bilati nganugi mapokta
Ifamda laman shinglamliba?

Hayengmukki mapokta
Nangi tolhouraba lamangidamak
Ngamgadouribra eibu kathokpa
Ibukthokki ichabu.
...............................................

"KANGDRUM"


Humang anappi kanglaba
Swar chaning chamang shamnadraba
Mafol thoklaba kangdrumshingdu
Olli tharo malo.

Fingou fimu shetpa
Taudanba aneesu
Yotki kanghu paiduna
Shannari aok athom.

Chagok faba numeet aneegi
Chaurei kanba parishinggi
Aten ashang kangjeishingna
Thomli kangdrumshingbu
Tanna tannada.

Nisha thabet thabetnaduna
Yengli Khwai Nungjengna
Meinam utong chukhattuna
Waira ten shanaba
Kongyang wabu louba chatkhibi
Mashanou Chakhanubu.
.................................................


"NINGSHING KHUBHAM"


Inamma,
Ningshing liklamda
Ngathu thengthu chatli
Adungeigi punshina.

Ngasidi naitomnahouraba   punshisina
Yengli chatnakhiba lambelududa,
Ngairi tamjaningba ipaoshingga.

Abe ,
Ahongba punshida hongdribi
Ningshing khudam kayabu
Nathanungda chetna kon
Shaklibra kaina eeshei,
Pukhri mapanduda nadom fam
Ngairibra eikhoibu
Chenghi shambal langminnanaba?

Harao eeshei tabada
Napang yaodra punshina
Molang chotna khanglibra?
Loubukki perukna
Ningthourembi matonna
Eikhoibu tattana hanglakpa
Pirangna paukhum piribra?

Ningshing thongakpi oiduna
Ngasi nang leiri,
Adubu nongma
Nangi punshina hongkhrabada
Abe,
Shangbihougani kanana?
............................................

"NASHIKHONG"


‘Shidokse shidokse
Mei thase mei thase’
Maikei maridagi fujillak-i.

Mamai eechapmuk ngangladuna
Tumin lepli shangaidu.

‘Nene nene
Eikhoi yum
 Keidou thugairino?’

‘Mama mama
Yum mei chak-e
Eikhoi kadai leini?’

Mapa oktabagi mamomdu
Leikai meeyamna sangskar toubirabi
Mongba maranyaibu
Pirang ihouna yenglibi
Manegi khutsha amuk yan
Mamagi fiji amuk ching
Hangli peri peri.
...................................

"KANGLA"


Kangla
Kangleipungi chenglou-o!
Nangi puwarigi liklamda tariba
Meerol kayagi koktriba khongul
Lirakli ngasi
Nangi kangleichasingna.

Yek shalai kayana
Ningthourol kayana
Nangi nashaigonda
Matik mangal utlamba,
Yakei penana nangbu houdoklamba
Matamgi eeronnungda
Keku lotkhre
Nangi langlaba matam
Ichik chikle ngasidi.

Kadai matam amagi
Nangi pukkei nangi langei?
Nungshi heiteda angouba
Chahicha kayagi humangmal
Mikup amada ut olhankhiba
Adura firingi shajat?

Kangla!
Matamgi nongleina humkhrabasu
Adungeigi nangi sabhyata
Kangleichasingi thamoi thamoidadi
Nangidamak napalli,
Nang leirambagidamak
Nangi wari shingbulgidamak
Ngasi makhoi chauthokli.

Takthokli nanthokli
Matamgi kolhingna chathatlaba
Nungshibi nangi maithong
Anouba shakhenbi kangla amagidamak.

Nungshirabi Kangla
Nangdi mingshelni eeramdamgi
Nangdi laifamlenni meitrabakki.

Tamthiba nongleina
Matamgi ichaona
Cheitheng kaya pirabasu
Kangla leiyu nangdi nang oina
Lakkadaba meerol meerolshingda
Liyu lamdamsigi puwari
Tammu manglamchatki thoudokshing.
........................................................

"THAMAIBA"


Mikap hek thokpaga
Fuk hougatli Leirangton
Nakhokktuna tumliba
Mapuroibagi khuya kan
Fammangda fan chongthei.

‘As! Tok-edana nangngaroi
Pungna kaya taraba.’

Lamyaida thalliba thau yaodraba
Shirumnaraba podon tap paikhat
Yengi faklang gharida
Khambi meishada kemlaba
Chenglou meetfamna pung kata.

‘Ahum makhai taramalle
Nangkhidra tourisidi?
Ibemma, ibemma
Podonshi thao happulao
Ngasu mei handri
Pungdi ahummakhai takhre’.
Machanupibu khanghou houdok-I,
Mamagi mihul khangbi nungshi
Fuk hougat thau haptuna
Ngakom pangkhrabi mamada
Pirui thaumei.

‘Chakhredana
Nga kharai faningchit chakhredana
Masigi houdongsi
Uchi hidak pija
Hek hatpa ngamdraba
Ei nupi nattredana’.

Kharai ubada nga ubada
Kokchaobi kari leirang
‘Tonglani,
Shendong tanbra haibabu
Shenmang kupkhatpada mutlani’.

‘Karam haina thanammino
Tumfam chafam khangdamakhei shuraga
Houdong pijadoi oiradi tok-o’.

‘Sibu eina pijabro lamsha
Eina shudradi charani
Naheisu tamba fanglani’.

Mapada shaurabasu,mabungda nungaitrasu
Nashikhongda oijarabi Nungshi
Podon thanam changkhi imungda
Lantern thangat lairik pakhi.

‘Ibemma fadi kadai leikhre
Saponduna leiribra?’

‘Lairik ngaihaktang pabasi
Pafam khangloidabani’
Murum murum shon
‘Sida leire
Ikok kokna leirisi
Koihang hek hangi’.

‘Adu ngaihaktang pibadashiranihe lamsha
Shakmakna fajabane
Narinnaga taure
Nayum palluragasu
Thum shiki amagi mal
Chadana hallakkanine channaroidabi’.

‘Imadouna channadoi sharuk
Yum koubada panjaroi’.

Ahing mameigi
Mama machagi chin kangjeida
Tumba yadramalle kanna khoudemmak-i
Famungdagi mabung ahal.

‘Shamjettuna amuk kadai leikhre?
Nangaroi garika amatta nangaroi
Keithel khamlakandayouradi
Shendongna nallani
Ibemma shamjetti?’

‘Thongnao mingshelda yeplamni’

‘Kadai thongnaudano?
Leire leire
Shamni tourisina punbana
Foidatkedahe
Koksisu hakkatchabana
Hik ngaihakta kaihannabagi matam faoba leite.
Ibemma potsi thongatlulau
Yenshangdi hangamdu hek thongu’.

Chenchatta chatkhi Leirangton
Waithou shagol khongyangbi.

Nongallakpada
Machanupina mangol wai tasinbada
Thengnei sham chabul ama
Mamana hatlamba shamjetta.

Kagi thongnauda
Changlakli churupki meikhu mari mari
Mangolda famliba mapana
Ama loikhi ama chamkhatli
Koushilli lambida chatpa
‘Tada,mamma
Churup machei amattadi thakpirakho’.
Churupki meikhuda cheina cheina
Khoidou shikna shikna
Naton khanjin khanjinna
Nungshi lairik pari
Nungshi ghari yengli.

Tinkup yaoba hangam
Eeshou langna puthok-i
Kuidraba examgi ipai houna houna
Hangam malli Nungshi.

Leishabi fagatcharaklabini
Chup luplui khongnungda
Thak thak nik
Chakkhum changkhi.

Kadai shingdi?
Yengi shing thamfamda
Kadai shingdi?

Keithel kakhrabi mamabu
Machin penna cheithok-i
Mapi ira chenna shiba hou-i
Tektharaba nganu makol.

Chotli chotliba wachetni
Amuk mut amuk kamkhat
Kerosene amuk heijin
Pipada cheitek amuk lup
Loinaba hotnari Nungshi
School nangnaba hotnari.

Shing khara chakkhatlakpaga
Fadriba paradu hangdok-i
Shing amuk mutpaga
makhum hek khumjilli.

‘Tamocha Tamocha
Chak loire hougatlo’.
Um umdi makhumi
Hougatpa koubadi mareite.

Khangdagi ngaroudu
Ahum ahum happi
Mashing mannana mabungshingi mapagi
Chilhao thiganba mabung atonbada
Manga hapchilli
Marikhakta lemhoure
Makhoi thitli Nungshidu
Amuk louthok-I amamam
Khalli
Nupina wabamakhei shuraga
Chabana nupana.

Adubu ngamde
Amuk happi mafam mafamda.
Tambikhraba parani
Fakhraba isheini
Masha chadaba machanupi chadaba
Mama karisu wade
Mapuroibagi, machanupagi
Makhoi hanna maruni.

Ojana para tak-i
Thaina lalhouba yaoramba
Indiabu yadaba, Bharatpu nungshidaba
Ojana lecture toui
‘Angangsha,
Eikhoi Meitei haiba jatisi
Thamaibikhrabani
Magi India haibasina’.

Maru luktha tarambi Nungshidu
Yengkhatlak-I ojada
Tabagum touri hanjin hanjin
‘Ibemma
Nakhoi nupi haiba jatsi
Thamaibikhrabani
Eikhoi nupa haiba jatsina’.
......................................