"IMA"

Ima
Nangi meecheigi besonna
Tottuna houraklaba borani
Lamhenbi nachagi punshisi.

Khonthigi sodabaicarb henjinkhibana
Khajiktang shoklubada
Jwai-jwai ningkhaire
Namomgi thamoisi.

Ningsingbaga tottuna chabada
Cheinagi thau yammankhibana
Koure palemgi minungshigi laija.

Thumhi chenba
Meetludagi eehourakpa eechelsinadi
Kok-hanba ngamdre ikhousi.

                   2

Ima,

Takhidaba kuire nangi warakkhol

Ngasi eigi punshina

Lelli meechelgum

Taibang maheikongi mashaigonshida

Adungeigi punshidagi tamna.

Adubu,

Warouganbi thamoisina warou warouna

Palem,

Nangi shaktamdi lakshinduna khurumli

Nungti khuding.

Meecheigi kangdrum oiringeidudagi

Ningjarakkhiba laining-

‘Eeswar ibungo

Imabu loushinbiganu

Imabu loushingadabagi mahut

Loushinbiyu nanaibu’

Hongdri ngasisu.

Ima,

Lapna tamna leinarabasu

Nang yaodaba taibang amagi mang

Manglubadi khak ngamjade.

Liri khoirina

Heijadrabasu chayok nauyok

Chatnabigi palna naihanbirabasu

Piba ningolgi marakta

Achan meerai

Nangi thamoida eeriduna leiri

Lamhenbi namombu nungshibagi eeriksu.

Ima,

Khangdaba natte madubu

Waroubadagi khangshinnadrabas

                   3

Ima,

Mang khutna lamba fanglaklabi

Nangi punshina wajari

Pallepfam khangdribi namomgidamak

‘Nama eina hinglingei

Nangi areppa’ma khangning ida

Imagi ibemma,

Nongma eina thupkhiba numitta

Loirabanido nangi’.

Thajarude adumna

Mama oibigi nungshi leinam

Yellakkani haiba

Khuijillaklaba chinbandudagi.

Ngasi kuirabagi tungda

Ikhungangda hallakpa

Nongma fadokki khongchatsida

Kayada shonthahallaba eibu

Kayada mashen maranghallaba

Eigi tungi punshibu

Nangi mama oibigi nungshibana.

Ima,

Ei khang i

Eigi apokpana

Thonbirabasu nangbu

‘Matik chadabi yumburenbi’

Nangdi bajimakpusu

Naparee shakna naukollibini.

Aduga karigino

Nangi namombu asuk sonthahalliba?

Lamlanba kanabu

Kok-han laihan ichagum naukollunaba

Tamthiba meechei tarunaba

Eenshilliba hanjin hanjin.

Ima,

Nangsu khanglibaduni

Eina pambadi ningtambani

Ningtambagi pamelda tongduna

Eekhou pongna shakchabani

Ningtam eeshei.

Adunabu koukhibani adungei

Nangi lamketpi namombu

Nakhoi thitna ‘lamsha’.

Chummi ima,

Ei meenamningde

Eigi thamoidasu lei

Eekhou langjaba thamoigi mapu amagi.

Adubu

Ningshinglubada nangi yumban punshi

Hakam hekta challak i

Thashi thanou houbi

Nangi namomgi thamoisi.

..........................................