Thengnagani khangdana thengnakhi
Unagani thajadana unakhi
Punshi khongchatshigi
Lamlong amamamda.
Adubu
Laija eepakki kongolgum
Nongmadon atiyagi shangaishen-gum
Takkhi eigi punshidagi
Mangkhi eigi meetyengdagi.
Kaya nungshikhraba punshisi
He lambi marupshing,
Nakhoina khudolbiramba ningshing eepaksida
Eeroibi shannari ngasi ei.
Eigi shaklon kayagi shaktamda
Wahang kaya hangnaduna
Natheiduna chatnakhrabasu,
Karigumbada warouna
Karigumbada shauningna
Karigumbada nungshina
Ningshinglak i
Chenglou shakfamshingdu.
Khallamba yai nakhoina eibu
‘Thoudu nungla?
Numitlei leirangla?
Kangfal ikaithabira?’
Khangjadabana ishamakna ishabu
Khangde,
Karamba mingtholbu lougadaba.
Amuk hallakkani khangamdraba
Prithi-malemthaksida
Wanglen ngaihaktangdasu
Thamoi yawa fongdoknakhiba
Nungshi meetchanakhiba
Eigi matam amagi
Nungshithoirabasing,
Lapna tamnakhrabasu asummak
Ningshing thongjao hangdoktuna
Unasiko marak marak.
Fongamkhidraba thamoi yawa
Wahei kisi thangnada fongdokna
Kapminnasi nokminnasi.
Cheiningkhiba, shaoningkhiba
Malom,tharum ngamnamak
Tumhankhrage kaina piranglaksida.
Ningshingbidrabasu eibu
Hangoibikhrabasu eibu
He lamlannakhrabashing,
Nakhoigi
Panglabi,shaogallabi,warougallabi
Aduga thoidokna
Ikaithibana langoi challabi
Adungeigi marupnadi
Ningshingli asummak nakhoibu
Naitom tarakpa mikupshingda.
............................................
............................................
No comments:
Post a Comment