"LEMBI"

Kustina kintharaba matam ngairiba

Mapuroiba Tompokna

Yengli pirang piroinana

Magi pangjabi Lembibu.

‘Lembi nangbu leibra?

Eikhoi lakli thorak u’.

Mamagi khonjel tabada

Ki hangoinaraba

Maporoibagi makhuttu

Henna chetna paisinjei.

Lanmeina koishinkhraba

Umangnungda

Chenfam leitarba

Shaji laba amomgum

Tathak tathaknei.

‘Lembi mapanda thorak u keidourige?’

Mabungi khonjel tabada

Masha adu niklak i

‘Tachouni kamdouni?’

‘Chatlo Lembi,

Eina khambagi pangngalsu leitre

Chatkhro abok-hoigi tung-inkhro’.

‘Ibungona kamdouba

Sebana kanana toubini

Ei ngamloi ibungo’.

Ashi pangkhaknaraba

Mapuroibabu chetna kon

O khongna kapkhatlak-i.

‘Hai angaobi!

Nawa apumbaduga shiminnaragera

Karidabu kapcha sharibano

Nungshikhraboida laithung pakpasi’,

Shagan laktuna chingthokkhi.

Imphal turel torbanni,

Wangmagi torbanda kari meikhu

Tengthabasu kija fathabasu ngamda

Leirai tingthou foina

Kaina meichak khangli.

Nongma punshi youbanda

Wangma wangma meetchana

Nungshi paukhong channakhiba,

Khambi meirinungdagi

Tangoi ollaba hakchangna

Challakli nouhouna paukhong kaya

Apangbi angaobi Lembina

Karamnabu fongliba?

Ningthamtha kaya lak i

Kalen kaya houkhi

Thabakki punshini tak

Chauraba malemgi

piklaba bindu amada

Lembi,

Tangli mahao kaya punshigi.

Wakchingi ayukta

Shanthi khullingei,

Kalengi numidangwaida

Yensang thiringei,

Langbangi nungshada

Lou ngaklingei,

Chatkhraba matamna

Ngathu thengthurei.

Prithivina kari touriba

Malemna kari oiriba

Eereibak meereibakki shambalna

Kadai-kadaida khariba

Kana –kanana kari lanbu touriba

Kari lainabu shandokliba

Khangluba ngamde Lembi

Khalluba leite.

Pokpa shiba

Aatma  paramaatma

Swarga narak

Khennariba karidabu

Nongmata wahanglude.

Lansu yaorude

Shantisu paujellude

Shisu shitharude Lembi,

Shui pangshuda

Nommi pangnomda.

Ngaihak shangbada

Wanglen ngaihak pothabada

Mangol ukhoktenda ngaduna

Kathokliba chinbandagi

Ahoba ya faoduna

Chentharakliba tillang

Yotshingani kaubamakhei

Khap khap ching

Uiri Lembi uiri

Hikku mana mana

Mang mangna mangna.
..................................