Saturday 19 January 2013

"KHENNABA"


Lamtagi ahanba thangjani.

Mandomchagi fishafalda famduna
Piklibi Inakhunbi
Yengli moirang fijin chanba
Maya kabamakhei.

Marak marak thoudarakpada
Atatpa lang piraknaba
Atenba makalaptu
Shithaboi chongthaboi kumtharaga
Makhudombi machaduna
Han-handuna thiraga piri.

Silver baltin akoppa ama yan
Stop ama pai
Mabung atonbana hourari
Makhoi mammagi machabu
‘Momo ngaprum farusi
Horel irujanaba’.
‘Tamocha eisu lakke’.
‘Imana lak u haihoubani
Horel fujani’.
Manangngalda cheina faoraklabasu
Nga faningbagi mayaina
Fanek machadu yepshin yepshinna
Tabi tabi innakhi
Tarude nachangna
Mandomchana nganghoubasu.

Eekangthani,
Eeshitkhraba patfamshingi
Kom macha machada itungli.

Lemlei nga mongliba
Kom amada pal shemduna
Khudei namei yepkhattuna
Eeshitli mabungna.

Eeshing khara kangtharakpa
Nga macha ama-nee
Chonglakpa ubada fan-fa
Kombandasu chongli laori

Eeshing kangbaga
Leikhom leinang maraktuda
Momoga chongthaminnaduna Inakhunbi
Lemlei nga faba hanba tannari.

Ngamu, ngapemma,
Shamchetnga,ngashang,fabounga
Makhut  machaduna fanaba hotnabada
Chrit chrit litthokhi
Leihkom chaishinbiramlaga mamai mameetta.
Tanja charuduna
Fabounga amaga fahoubada
Lauri
Shamu fabagum lukhrabi machana.

Nongthi nongmangli
Ngagi mayaida taukhiduna
Khannarude numitna kayam thengkhraba?
Uchin nachin
Mabungna makhut thingjinduna
Ngaprum makoldagi chingkhatlak-i
Tangja lingum ishang shang
Ngaprum macha ama.

Leikhom leinang itei tei
Chakkhaugi ishouna kallakpadagi
Ngamee ahumdu
Chenchatta mongba maranyai panglak-i.
Ngaprum mahi thaklaga irujarani
Tinkok-laikoklani
Mayamsu lunarani eikhoina farisina
Napal touduna kanarak-i

Khungi khundon yourakpada
Ahumshuba mabungdu
Leikai mamannabasingga
Patki maikei panglak-i.

Manau atonbagi tungda
Innaraklibi machan tombida
Ngakra mameettu laothokladuna
Dhamka tourak-i
‘Nang imana nungaini
Nasha chaba chei puraga kakho’.
‘Eina ngashaina haidra kamdou-i?
Notshillak-i mabung atonbasu.

Khutsha shahum fangbada
Umshinkhre leikang ikaithabi.
Tharak hungat hungatna
Maithong ishuk shuk
Thangningdraba khongthang thangli
Khalli kok machaduna
;Tamochabudi cheide eingondata ?’

Thongalda lep khektharak-I mamana
Bheirabigi shaktamda makhut-o masha-o
‘Hei lamsha
Nangakshamdu kakke lao
Nupa mashinnisu khangda
Nupi mashinnisu khangda
Haying chauraga
Shagei chenthadui sharuk
Nangda hattok-hourage’.

Mamagi abhinyayda mihun chenkhat
Mameet mana thakkatkhrabi
Makhut machadu khanduna
‘Ima-ima’
Haina mamabu khamjaribi
Machanupibu masha shagan laktuna ching
Yeknabagi matougum
Kallak penna penna fu
Puthakhi irujanaba
Turel khongnungda thangliba hida.

Leikhom teiraba mafi marol
Foidat chingthatpagum louthoklaga
Nourabi unshadubu
Kanna shumlaba fadina
Gri-gri takkhai takkhaina
Lepte fubasu
Mamagi aringba khubaktuna
Shet shet.

‘Aayo ima ei shire
Aayo ima
Ei matung chatchararoiye ima’.

Manap mapi mathong khangdrabi
Mayanglen thekkattuna
Frang frang chonglabi
Ima ima thamoi fukna koujaribi
Mamombu minungshi kouba poktraboi
Khonthi pija pijana
Henna henna fujin
Hangli khumlakloi khangna
‘Nawa shirabrahe lamsha?’

Ngaprum machum thakladuna
Ngaprum machum chaitharaduna
Chongthanakhri
Eeroibi shanba tannarunaba
Mamang mabok-hoigi turel thongradagi
Mabungtonga momoga.
........................................................







No comments:

Post a Comment