Monday 14 January 2013

"THAGI LEI"



Numittu ningshingli
dipanitagi nungthil
nongmaijinggi lila taringei
punshigi ahanba shak utlakhibado
nangna.

Turel khongnungda,
Harao mathoi ka
Eeroibi eeruppi shannarambadagi
Manung achoubabu changning
Kok-loo pumba
Pumchot chotna chenkhatlak
Shamballeina faklang oiba
Eikhoi amangshangda
Famna famna natak taringeidani
Nangna eibu
Mihul chenkhat-hankhiba.

He thagi lei,
Nangbu ubada
Lawaigi sham chap yung
Ho ima! Tinfa changkhrajatla?
Humangna pumlup loop
Tanik tanikhiba
Kaudri ngarangtagumli.

Apokpida takpasu kija
Tufak tufai ichan chan
Dipanitagi meingalnasu
Nganthokhanba ngamdraba
Mamlaba wakhalna langoi chan
Khada amuk on
Wangda amuk on
Fook amuk hougat
Maina monda amuk upshin
Fanek amuk yep
Nongngallu yadraba ahingdu
Lenkhiba kaya wana.

Goberdhan pooja numitni
Shan pooja tounaba
Yum,chengfoo leitengnaba
Mahousagum changludre
Sanareigi leikhong khuding.
Indomchagi manakta chumdring chat
Kithi kirum famlui
Eibu haisira haigumsira
Wakhal chingjaona nan.

Lei pareng lenglibi indomcha
Ubide eigee shukthaba maithong
Fambamakhei famlaga
Mee pong leitaba tanja yeng
Tamkhi thoudok adu
Hangkhi karambabu oirigaba?
‘Angaobisidi’!
Tinfa oiragabu
Adummaina leiba yakhidra?
Amadu oiramni
Ei icheda haibige.

Kayada tayang tasoikhiba
Kayada pukning hanthakhiba.

Apokpigi nakong youkhrabada
Kourakkhi khek lauduna
‘Ibemma, yamna thuna lau!
Mihul chengum chenganana
Iraal leirabigum
Leplui apokpigi mangda
Kayada tamthina yenglakkhraba
Mahakna leishat tamkhibagum
Leishat tamlaklibi mamombu
Kangkhulda mapal shatpini khan
Kayada tathi taoibikhiba
Mipairurabra khangde
Yumgi kupnomda
Mateng pangbinaba leiraroi
Eisu magum leishat tamlakpaga
Manja kada chatkhrani khan.

He thagi lei,
Kumja asuk kuibasi
Potlum oiduna lakli.
Loidam amadagi loidam ama
Laktre mawai lakle mawai
Ipana ibungna chakhum chang
Eina yensang shem
Chakhum thokle atakna
Chafam thakfam khangda
Lenkhiba matamsingdu
Ningsingli ngasisu ningsingganbi wakhalsina.

Nangna leishat tamlakpa khuding
Eigi thotlaba thanungbu
Tingkhangna hangairakpagum
Thouraba thangna lenthatlakpagum
Kayada wana khanglakkhiba.
Parikshagi lairik pai pafam khangda
Ojana lairik tak i lousinfam khangda
Heeppi heepfam khangda
Chatli chatfam khangda.

Nongmasu
Taibang kana leitringei
Nashunglangi toukhibani
Aroiba swar honge
‘Inamma inamma,ima ima’
Fana koujarabasu
Tabinaba leitraba numittugi
Aduk kanba cheinadi
Punshida khak thengnakhidri.
Hingchabi kanagi khutshana
Shingli naori pumba foidatlakpagum
Ayo nahe chan
Meetlu pirang shintha
Kapna laona khangkhibado
Nashunglanggidamakni.
Tanjadumaktada palem mabu hallaklamdraba
Panthou Meitei maibagi
Kwamanbi marugi hidak thaklamdraba
Eigi aroiba haibadu oiramgani
Palem panthou anina pokpikhibani
Amuksu eibu.

He thagi shingen,
Nongma nangbu
Tathi taoina okpikhibi
Apokpi palemdi
Mana mipairubaga tayonna
Mamom oibi eina
Nanga shakkhangnakhiba tung
Kumon kaya lankhrabasidasu
Maya ibungogi maranyai pangbidrabasida
Mahi mayai chamkhre
Ishou irang
Adugi mahut tandum tallakle
Manja kada chatkhinaba
Choop sharani mipaiduna.

Thagi lei,
Adubu nangdi ngasishu adummak
Leitahandri eibu.
Lairik heibini,shel paibini haraoduna
Imagi khollao nemthakhrabasu
Nangdi eibu namitta thakpada thuppidri.
Adummak olhalli marak marak
Tharo malo.

Lakliba punshida nattana
Lakkadaba punshigidamaksu
Tharak hungat-halli.
Karigino nangna
Numit irei leikhidabadouna
Thashi numitta nongmaijing numitta
Ahanba oina shafonglakkhriba?
Thajat adubu korou adubu
Kaugandabi oirubana
Kauthokhibasu ngamda
Kaya wahallaba eibu.
Panjigee lairik paruba khuding
Hekta irammi mayek lana
‘Kumarina ahanba thagi lei
Thashida, nongmaijingda laklaba
Lukhra oi,mapuroiba punshide’.

He thagi lei
Thajaroi khallabasu
 Thajabasida chaoraklabanina
Tamnarari tattana waheising asina
Khanjinganbi pukningda.
Nashunglangidamak
Nangna maram oiduna
Thawai oiba kanabu
Thakhigani karamna ashi lamdamda
Leihougani karamna
Idom tarak meeramlenshida
Naitom paibee cheklagum.

He meeotpi thagi lei,
Nang fatmande
Karigino nangna
Eigee hakchang polangda nattana
Wakhalbusu asuk leitahandriba.
 .................................................

No comments:

Post a Comment